ຊ່ວຍເຫຼືອ
01 ໂຄງການ AI Ready ASEAN ແມ່ນຫຍັງ?
ໂຄງການ AI Ready ASEAN ແມ່ນຂໍ້ລິເລີ່ມລະດັບພາກພື້ນ ໂດຍມູນນິທິອາຊຽນ (ASEAN Foundation), ໄດ້ຮັບການສະໜັບສະໜູນຈາກ Google.org, ເຊິ່ງມີເປົ້າໝາຍສ້າງຄວາມຮູ້ດ້ານ AI ໃຫ້ແກ່ທົ່ວພາກພື້ນອາຊຽນ. ດ້ວຍທຶນຊ່ວຍເຫຼືອລ້າ 5 ລ້ານໂດລາສະຫະລັດ, ໂຄງການ 2.5 ປີນີ້ ມີຈຸດປະສົງເພື່ອສ້າງຄວາມສາມາດດ້ານ AI ທີ່ຈຳເປັນໃຫ້ແກ່ປະຊາກອນ 5.5 ລ້ານຄົນ—ລວມທັງຊາວໜຸ່ມ, ຜູ້ໃຫ້ການສຶກສາ, ແລະ ພໍ່ແມ່ຜູ້ປົກຄອງ—ຈາກທັງສິບປະເທດສະມາຊິກອາຊຽນ. ໂຄງການດັ່ງກ່າວຈະຊ່ວຍໃຫ້ຜູ້ເຂົ້າຮ່ວມ ສາມາດຮັບມືກັບຍຸກດິຈິຕອນ ແລະ ນຳໃຊ້ AI ຢ່າງມີຄວາມຮັບຜິດຊອບ ແລະ ມີຈັນຍາບັນ.
02 ກິດຈະກຳຫຼັກຂອງໂຄງການ AI Ready ASEAN ມີຫຍັງແດ່?
ໂຄງການດັ່ງກ່າວຈະເນັ້ນໃສ່ 5 ກິດຈະກຳຫຼັກຄື:
- ການຝຶກອົບຮົມຄູຝຶກ
- ການຝຶກອົບຮົມ AI ແບບລົງເລິກ
- ການໂຄສະນາເຜີຍແຜ່ລະດັບພາກພື້ນ
- ການຈັດກອງປະຊຸມ/ເຕົ້າໂຮມລະດັບຊາດ ແລະ ພາກພື້ນ
- ການຄົ້ນຄວ້າກ່ຽວກັບ AI ໃນພາກພື້ນອາຊຽນ
01 ເປັນຫຍັງໂຄງການ AI Ready ASEAN ຈຶ່ງສ້າງ AI Class ASEAN ຂຶ້ນມາ?
ເພື່ອສະໜັບສະໜູນ ພາລະກິດຂອງໂຄງການ ໃນການສົ່ງເສີມການນຳໃຊ້ AI ຢ່າງມີຄວາມຮັບຜິດຊອບໃນໝູ່ຊາວໜຸ່ມ, ຜູ້ໃຫ້ການສຶກສາ, ແລະ ພໍ່ແມ່ຜູ້ປົກຄອງ, ມູນນິທິອາຊຽນ ໄດ້ເປີດຕົວ AI Class ASEAN ຂຶ້ນ, ເຊິ່ງເປັນແພລັດຟອມການຮຽນຮູ້ແບບອອນໄລນ໌ (e-learning) ທີ່ຖືກອອກແບບມາເພື່ອເຮັດໃຫ້ການສ້າງຄວາມຮູ້ດ້ານ AI ສາມາດເຂົ້າເຖິງໄດ້ງ່າຍຂຶ້ນ ແລະ ຍືນຍົງ. ມັນຈະເສີມສ້າງສັກກະຍະພາບໃຫ້ແກ່ພົນລະເມືອງອາຊຽນ ດ້ວຍຄວາມຮູ້ ແລະ ທັກສະທີ່ຈຳເປັນ ເພື່ອການເຕີບໂຕໃນໂລກທີ່ຂັບເຄື່ອນດ້ວຍ AI ທີ່ເພີ່ມຂຶ້ນ.
02 ໃຜແດ່ທີ່ສາມາດຮຽນໃນ AI Class ASEAN?
AI Class ASEAN ແມ່ນບໍ່ເສຍຄ່າ ແລະ ເປີດກວ້າງສຳລັບຊາວໜຸ່ມ, ຜູ້ໃຫ້ການສຶກສາ, ແລະ ພໍ່ແມ່ຜູ້ປົກຄອງທຸກຄົນໃນອາຊຽນ, ໂດຍບໍ່ຈຳກັດພື້ນຖານ ຫຼື ປະສົບການ.
03 ທ່ານຈະໄດ້ຮັບຫຍັງຈາກ AI Class ASEAN?
ສະໜອງຫຼັກສູດ ແລະ ໂມດູນທີ່ຫຼາກຫຼາຍ ກ່ຽວກັບຄວາມຮູ້ດ້ານ AI ແລະ ຫົວຂໍ້ທີ່ກ່ຽວຂ້ອງ, ເຊິ່ງກະກຽມໃຫ້ເໝາະສົມກັບຜູ້ຮຽນແຕ່ລະກຸ່ມ — ຊາວໜຸ່ມ, ຜູ້ໃຫ້ການສຶກສາ, ແລະ ພໍ່ແມ່ຜູ້ປົກຄອງ. ໃນແຕ່ລະບົດ, ທ່ານຈະໄດ້ສຶກສາເນື້ອໃນການຮຽນຮູ້ (ເຊັ່ນ: ເອກະສານປະກອບການສອນ ແລະ ວິດີໂອການຝຶກອົບຮົມ), ເຮັດບົດທົດສອບສັ້ນໆ, ແລະ ໄດ້ຮັບຫຼຽນກາ (badge). ເມື່ອທ່ານເກັບກຳຫຼຽນກາຄົບທຸກອັນ, ທ່ານສາມາດດາວໂຫຼດໃບຢັ້ງຢືນ ການສຳເລັດຫຼັກສູດໄດ້.
ນອກຈາກນີ້, ທ່ານຍັງ ຈະສາມາດເຂົ້າເຖິງ ສູນກາງເຊື່ອມໂຍງອັດສະລິຍະ (Smart Connect Hub) ໄດ້, ເຊິ່ງທ່ານສາມາດ:
- ໄດ້ຮັບການຊ່ວຍເຫຼືອແບບສົດໆຈາກ ລະບົບຫ້ອງສົນທະນາຂັບເຄື່ອນໂດຍ AI ຂອງພວກເຮົາ
- ເຂົ້າຮ່ວມການສົນທະນາ ແບບໂຕ້ຕອບໃນເວທີປຶກສາຫາລືຂອງຊຸມຊົນຂອງພວກເຮົາ
- ມ່ວນຊື່ນກັບການຮອງຮັບຫຼາຍພາສາຢ່າງຄົບຖ້ວນ, ເຮັດໃຫ້ການຮຽນຮູ້ງ່າຍຂຶ້ນໃນພາສາທີ່ທ່ານມັກ
04 ຂ້ອຍຈຳເປັນຕ້ອງມີພື້ນຖານດ້ານ ເຕັກໂນໂລຊີ ເພື່ອຮຽນໃນ AI Class ASEAN ບໍ່?
ບໍ່ຈຳເປັນເລີຍ! AI Class ASEAN ຖືກອອກແບບມາສຳລັບທຸກຄົນ, ໂດຍບໍ່ຈຳກັດພື້ນຖານ. ບໍ່ຈຳເປັນຕ້ອງມີຄວາມຮູ້ພື້ນຖານດ້ານ AI ຫຼື ເຕັກໂນໂລຊີ ມາກ່ອນ, ພຽງແຕ່ມີຄວາມຢາກຮູ້ຢາກເຫັນ ແລະ ຄວາມເຕັມໃຈ ທີ່ຈະຮຽນຮູ້ກໍພໍ!
05 ຂ້ອຍບໍ່ໄດ້ເກັ່ງພາສາອັງກິດ. ຂ້ອຍຍັງສາມາດຮຽນໃນ AI Class ASEAN ໄດ້ບໍ່?
ແນ່ນອນ! AI Class ASEAN ເປັນແພລັດຟອມທີ່ລວມເອົາທຸກຄົນ, ໂດຍມີເນື້ອຫາທີ່ມີໃຫ້ບໍລິການເປັນພາສາປະຈຳຊາດຂອງທັງ 10 ປະເທດສະມາຊິກອາຊຽນ.
06 ຂ້ອຍສາມາດຖາມຄຳຖາມ ຫຼື ເຂົ້າຮ່ວມການສົນທະນາ ກັບຜູ້ຮຽນຄົນອື່ນໄດ້ຢູ່ໃສ?
ທ່ານສາມາດເຂົ້າໄປທີ່ເວທີປຶກສາຫາລືຂອງ Smart Connect Hub. ມັນເປັນສະຖານທີ່ທີ່ດີເລີດສຳລັບການຖາມຄຳຖາມ, ແລກປ່ຽນຄວາມຄິດເຫັນ, ແລະ ເຊື່ອມຕໍ່ກັບຜູ້ຮຽນຄົນອື່ນໆທົ່ວພາກພື້ນ.
SEA-LION